Loja mobile me fitimet më të larta për 2020.
Loja mobile me fitimet më të larta për 2020.
PUBG Mobile është loja me fitimet më të larta në mobile për 2020, sipas statistikave të nxjera nga kompania analitike Sensor Tower. Këtë vit loja ka fituar afërsisht $2.6 miliardë.
Kjo përfshin edhe të ardhurat nga versioni kinez i saj, Peacekeeper Elite ose Game for Peace. Të ardhurat e lojës janë rritur me 64.3% në krahasim me 2019.
Honor of Kings, MOBA mobile e Tencent, pozicionohet e dyta në listën e lojërave me më shumë fitime në mobile. Loja në 2020 ka grumbulluar $2.5 miliardë. Kjo përfaqëson një rritje me 42.8% nga viti i shkuar.
Në vend të tretë është Pokémon GO e Niantic, që kishte vitin më të mirë të saj përsa i përket të ardhurave. Loja ka fituar $1.2 miliardë deri më tani. Lojëra të tjera në top pesçe përfshijnë: Coin Master dhe Roblox. Sipas Sensor Tower këto grumbulluan deri në $1.1 miliardë.
Sado që PUBG Mobile humbi një pjesë të mirë të lojtarëve të saj, pasi u bë ban nga qeveria kineze, loja qartazi nuk ka vuajtur përsa i përket të ardhurave.