Presidenti i SHBA, Donald Trump, së fundmi njoftoi se ka marrë vendimin për të bërë ban TikTk dhe WeChat. Sado që historia e TikTok është plotësisht gjë tjetër, ban-i i WeChat dhe rrjedhimisht kompanisë mëmë të tij, Tencent, mund të ketë disa pasoja jo fort të këndshme.
Tencent jo vetëm ka zhvilluar WeChat, por shumë lojëra të tjera mobile. Ndër to PUBG Mobile dhe Call of Duty: Mobile. Nuk është nevoja ta cilësojmë se sa fenomenale janë këto lojëra dhe sa të kërkuara janë nga audienca e mobile gamers. E gjithë relata që qëndron mes Tencent dhe Trump momentalisht, mund të rezultojë në bërjen ban të këtyre dy lojërave popullore.
Tencent Games ende nuk ka bërë një deklaratë se si qëndron situata ekzakzësisht, ndaj mbetet të presim dhe të shohim. Gjithsesi, rezultatet do të ishin katastrofike, si për vetë kompaninë, që do të humbte rrjedhimisht një bazë të madhe lojtarësh dhe për opinionin publik të gamers në SHBA, që do privoheshin nga dy lojëra shumë të mira.