PUBG u lançua në 2017 dhe ishte menjëherë një sukses në botën e gaming. Sado që nuk ishte loja e parë që prezantoi zhanrën e battle royale, ajo ofroi grafika dhe gameplay, që ishin superiore krahasuar me rivalet e saj. Por çfarë vjen rrotull do të vijë rrotull. Me daljen e lojërave si Fortnite, Apex Legends dhe Call of Duty Warzone, PUBG u vendos vetë në vendin e ish rivaleve të saj të vjetra.
Loja nuk ruan më të njejtin superioritet që kishte dikur dhe ka patur një rënie të ndjeshme në bazën e përdoruesve të saj përgjatë viteve. Disa nga krijuesit më popullore të saj si Shroud dhe Dr Disrespect nuk e luajnë më lojën. Të dy arritën në konkluzionin se PUBG është plot me hackers dhe se nuk ka evoluar shumë që pas lançimit të saj.
Tani duket se PUBG po përpiqet sërish për t’u kthyer në pozicionin ku qëndronte dikur. Raportohet se një vazhdim i lojës, pra një lojë e dytë e PUBG, është në punë e sipër. PlayerIGN, tha në Twitter se PUBG ka konfirmuar punën mbi PUBG 2.0 dhe PUBG Mobile 2.0.
A DO MUND PROJECT XTRM TË HEDHË POSHTË FORTNITE?
Më herët gjatë këtij viti, PUBG Korea shtoi 15 vende të reja pune për një projekt të ri të quajtur XTRM. Disa burime besojnë se kjo do të jetë një lojë e shkëputur, por prapë brenda PUBG. Nëse raportimet e sipërpërmendura merren si të vërteta, atëherë mund të hamendësojmë se project XTRM ishte PUBG 2 gjatë gjithë kësaj kohe.
Një deklaratë tjetër interesante për vazhdimin e PUBG, shpreh se do të ketë zhvillues të ndryshëm për platforma të ndryshme. Ndërkohë që Seoul Headquarters of Krafton kanë qenë duke zhvilluar vazhdimin në PC të PUBG, kreu i PUBG Lite do të jetë përgjegjës për PUBG Mobile 2.0.
Sado që PlayerIGN më parë i ka thënë fansave se loja e ardhshme e PUBG do të jetë cross-platform, kjo nuk duket shumë e mundshme tani që futet në lojë mundësia e zhvilluesve të ndryshëm për platformë.
Pas sukesit të PUBG, Krafton ka krijuar një emër për veten e tij si një nga zhvilluesit më të mëdhenj në Korenë e Jugut. Nuk vihet në dyshim që e ka të gjithë potencialin për të krijuar një tjetër lojë po aq të suksesshme sa ajo e para.