Në trailerin e Season 8 të PUBG, që prezantoi Sanhok, arritëm të shikonim të dhëna që sugjeronin se PUBG do të merrte dy harta të reja, njëra prej të cilave do të bazohet në një vendndodhje në Amerikën Jugore dhe që i fillon emri me gërmën “P”.
Së fundmi një zhvillues i PUBG i quajtur Alex, ka postuar disa imazhe që lidhen me hartën e ardhshme, përfshirë këtu dy foto vullkanesh, Machu Picchu dhe Andet. Duket se karakteristikë e kësaj harte do të jenë malet e larta luginat e gjera dhe ndoshta shpërthimet vullkanike të shoqëruara me efekte vizuale.
Duke u bazuar në fotot e mësipërme, harta mund të ketë një zonë të dyndur urbane në qendër të saj dhe të rrethohet nga malet dhe pyjet rreth e qark saj. Gjithsesi, malet e larta mund të ndikojnë shumë në mënyrën se si shpaloset loja, mbi të gjitha nëse rrethi final bie në to si me rastin e Sanhok.
Ka gjithashtu shumë leaks për një Mysterious BackPack, një armë të re dhe disa veçori të tjera. Çanta duket të mund të mbrojë lojtarin që e vesh atë nga Blue Zone. Arma e re pastaj është një Light Machine Gun e quajtur MG3, që përdor 7.62 ammo.
Gjithashtu mund të ketë edhe një veçori për crafting, që i lejon lojtarët të krijojnë items të fuqishme, duke përdorur materialet që kanë.