PUBG do të mbajë një event Fantasy Battle Royale për një javë duke filluar që sot, në datë 1 prill. Fjala fantazi qëndron për magjistarë, dragonj dhe magji.
Nëse doni të bëheni pjesë e këtij eventi ndiqni banner-in në lobby-n kryesor. Përpara se të filloni një ndeshje, loja do ju kërkojë që të zgjidhni një nga katër klasat e personazheve të marra direkt nga lore i D&D. Secili prej tyre sjell një set të ndryshëm aftësish në betejë.
Sigurisht që do të ketë rewards të po të njejtës tematike nëse vendosni të merrni pjesë. Ky mode nuk është ndonjë transformim total i lojës dhe zhvilluesit e kanë pranuar se kanë bërë disa zgjedhje alternative në mënyrën se si e paraqesin elementin e fantazisë në botën ushtarake të PUBG. Kjo do të thotë që i vetmi dragua që do të gjeni do të jetë në emrin e hartës. Erangel po quhet Dragon Isle përkohësisht sa për këtë event.
Fantasy Battle Royale e PUBG do të zgjasë për një javë. Mund të lexoni njoftimin e plotë të saj dhe rregullat e eventit në faqen e lojës në Steam.