PUBG do të ndryshojë muzikën e Lobby-it

PlayerUnknown’s Battlegrounds e ka si tendencë të marrë updates të vazhdueshme për platformat e ndryshme ku ajo ndodhet. Gjithsesi aspekte të tjera si menutë ose sisteme të ngjashme, nuk ndryshojnë edhe aq shpesh. Sipas një njoftimi të bërë të hënën, muzika e lobby-t të PUBG do të ndryshohet së shpejti. Falë një preview-i e dimë se si do të tingëllojë.

Videoja më poshtë u publikua në accounte të ndryshme të mediave sociale të PUBG, për ti dhënë lojtarëve një ide se si do të tingëllojë muzika. Gjithsesi duke gjykuar që videoja është tre minuta e gjatë, mund të themi se është dhënë e gjithë ideja. Deri në atë pikë gjithsesi të gjithë duhet të jenë futur në lojë.

Muzika tingëllon mjaft e përshtatshme për lojën. Në disa raste lojtarët preferojnë që ta mbajnë të fikur muzikën e lobby-t. Le të themi se për ata ky update nuk do të sjellë ndonjë ndryshim të madh. Vetëm nëse vendosin ta ndezin prapë pas update-it, sa për një ndryshim të vogël.

Siç u vu re edhe në përshkrimin e videos dhe në Twitter, kjo muzikë është një farë modelimi i asaj origjinales. Pra qëndrojmë në të njejtën shtrirje muzikore. Ndoshta kjo është edhe arsyeja pse na tingëllon fiks për PUBG.

Gjithsesi ka nga ata lojtarë që preferonin muzikën fillestare të lobby-t dhe ishin kundra këtij ndryshimi. Të gjithë kemi shije të ndryshme muzikore dhe ragime të tilla janë mëse të pritshme dhe të mirëkuptueshme. Gjithsesi dyshojmë që PUBG të lërë dy melodi të ndryshme që lojtarët të mund të zgjedhin për lobby-in.

Zhvilluesit thanë se muzika do të vinte në lobby-n e lojës shumë shpejt. Një nga anëtarët e skuadrës më pas bëri reply duke shtuar një tjetër “shumë” para shumë shpejt dhe duke thënë se versioni i konsolave gjithashtu nuk do të mbetej mbrapa. Kur dikush bëri shaka nëse muzika do të vinte në Xbox pas një viti, u konfirmua se do të vinte në konsola pas një muaji.

Pra qëndroni vigjilentë ndaj update-ve që do të sillen në PUBG, pasi në një prej tyre do të kemi një muzikë krejt të re për veshët tanë.