“Njerëzit krijojnë një lloj ideje që ne jemi në armiqësi me Epic, por ata janë një nga partnerët tanë më të mirë.”
“Njerëzit krijojnë një lloj ideje që ne jemi në armiqësi me Epic, por ata janë një nga partnerët tanë më të mirë.”
PlayerUnknown Battlegrounds njihet që solli battle royale-in në gaming dhe ardhja e Epic në këtë zhanër përmes Fortnite, mori shumë elemente nga PUBG. Gjithmonë ka patur relata të çuditshme mes PUBG Corp dhe Epic dhe këto relata u shpalosën edhe në formën e një gjyqi vitin e shkuar, për imitimin që Fortnite kishte bërë.
Por siç është shprehur së fundmi drejtori i studios së PUBG Corp, Brian Corrigan, nuk ka fare hatërmbetje me Epic. “Kur PUBG doli në fillim, ideja ishte që thjeshttë shisnim kopje të lojës dhe kaq. Shumë gjëra që kanë ndryshuar kanë ardhur si pasojë e kalimit të kohës. Njerëzit krijojnë një lloj ideje që ne jemi në armiqësi me Epic, por ata janë një nga partnerët tanë më të mirë. Ne flasim me ta gjatë gjithë kohës.”
Inspirimi për battle royale-in pastaj mund të themi që është bërë nga të dyja palët, pasi edhe PUBG ka filluar të bëjë battle pass-in e tij në stilin e Fortnite. Gjithsesi mos prisni që e gjithë zhanra të shkrihet në një. “Mendoj se të dyja palët mund të mësojnë pak nga njëra-tjetra, ashtu siç bëjnë të gjitha lojërat në fund të fundit.” Ka vazhduar Corrigan.
“Ne kemi një lojë me intensitet të lartë dhe kompetitive. Kemi një program funksional të esports që jemi duke i kushtuar mjaft kohë për momentin. Mendoj se mënyra se si sezonet funksionojnë me ne do të jetë pak më ndryshe në ndikimin e ecurisë tonë, por që të jem i sinqertë, jemi ende duke i kuptuar të gjitha detajet që duhen.”
“Mendoj se ajo çfarë po përpiqem të them është se, nuk është se jemi duke u përpjekur të bëjmë diçka më të mirë, nuk i shohim gjërat në formë konkurence. Nëse ka gjëra që funksionojnë në rregull, sepse fundja përgjatë shumë lojërave të ndryshme duhet të marrim mësimet tona, por formula jonë është unike. Kjo formulë PUG është unike, nuk ka asgjë tjetër si ajo.”
PUBG është vërtetë një nga lojërat më të mëdha të industrisë dhe zhvilluesit janë duke i kushtuar mjaft vëmendje, që të sigurohen që ajo të vazhdojë të mbetet interesante. Përpara një jave u publikua traileri për historinë e lojës, që do të thellohet edhe më tej me kalimin e kohës dhe sezoni i 4 i PUBG erdhi me shumë përmirësime, duke na sugjeruar se loja është realisht duke shkuar në drejtimin e duhur.