Konsolat e gjeneratës së ardhshme do të lëshohen muajin e ardhshëm dhe PUBG është gati për performancën e përmirësuar me një mode të ri të quajtur Framerate Priority që lejon lojën të funksionojë deri në 60 FPS në Xbox Series X dhe PlayStation 5, njoftoi zhvilluesi.
Opsioni Framerate Priority do të shtohet gjithashtu për Xbox One X dhe PS4 Pro me update-tin 9.1 më 29 Tetor. “Pas testimit rigoroz, ne jemi të kënaqur të themi se performanca e lojës është jashtëzakonisht e qetë dhe e qëndrueshme, me loading më të shpejtë dhe me frame rates që bien pak ose aspak”, thanë zhvilluesit.
Megjithatë, Xbox Series S dhe Xbox One S nuk do ta kenë atë mundësi. Në vend të kësaj, loja do të zhvillohet me 30 FPS në ato pajisje. Sidoqoftë, zhvilluesit po punojnë për ngritjen e frame rates për ato konsola në të ardhmen.
Xbox Series S u ndërtua për të pasur të njëjtën fuqi si Xbox Series X por me norma më të ulëta të rezolucionit kështu që mund të jetë më e lirë, kështu që ka kuptim që lojtarët të mos jenë në gjendje të luajnë lojën me 60 FPS në të dy konsolat.
PUBG do të luhet nga dita e parë në Xbox Series X/S dhe PS5 kur të fillojnë. Lojtarët mund të bëhet update në konsolat e gjeneratës tjetër pa ndonjë kosto shtesë nëse përdorin të njëjtën llogari.
Loja do të mbështesë gjithashtu multiplayer cross-gen së bashku me lojën cross-platform, që do të thotë se lojtarët në Xbox One, PS4, Xbox Series X/S dhe lojtarët e PS5 mund të luajnë kundër njëri-tjetrit.