Një vazhdim i PUBG, në një formë ose tjetër, pritet të vijë në 2022 për PC dhe konsola. Kjo është një lojë e ndryshme nga versioni vetëm për mobile: PUBG: New State, që u zbulua së fundmi.
Player IGN, një dataminer i njohur u PUBG posti në twitter se New State nuk është PUBG 2. Ai sqaroi se PUBG 2, loja që do të vijë edhe për konsola dhe PC, është diçka që pritet të vijë në 2022.
Ai tha se New State do të qëndrojë vetëm për mobile, të paktën për momentin dhe nuk pritet të ndërveprojë me asnjë nga versionet, që janë momentalisht të disponueshme për PUBG. Kjo përkon me një raportim të vjetër të janarit se një lojë e re në mobile do të sillej këtë vit nga studioja.
Ky është hapi i parë drejt një universi më të gjerë të PUBG, që Krafton gradualisht po vendos së bashku. Më poshtë mund të gjeni trailerin zyrtar për PUBG New State.