Ja çfarë duan më së shumti gamers në PS5 dhe Xbox Series X

Çmimi i arsyeshëm duket të jetë gjëja më e rëndësishme.

PlayStation 5 dhe Xbox Series X janë përllogaritur të dyja për tu lançuar këtë vit dhe sado që kemi afërsisht një ide se sa do të kushtojë PlayStation 5, akoma nuk ka një njoftim zyrtar se sa do të kushtojnë konsolat e Sony dhe Microsoft. Në fakt mungesa e informacionit të detajuar për këto konsola, e bën të vështirë të dimë se kush do të ketë shitjet më të mira kur ato të dalin në fundin e këtij viti. Gjithsesi, sipas një statistike në Twitter, konsola që fokusohet më shumë në backwards compatibility dhe që ka çmim më të arsyeshëm, do të jetë ajo që do e fitojë garën.

Statistika ka ardhur nga drejtori krijues i Mortal Kombat 11, Ed Boon, që pyeti ndjekësit e tij se cili aspekt i konsolave të gjeneratës së ardhshme është më i rëndësishëm për ta: Çmimi? Backwards Compatibility? Grafikat? apo Lojërat Ekskluzive? Jo për tu çuditur po më i rëndësishëm ishte çmimi. Aspekti më pak i rëndësishëm pastaj ishin lojërat ekskluzive

Nuk është nevoja ta themi, por kjo statistikë nuk është e mirëfilltë dhe nuk është diçka që duhet marrë direkt si e mirëqenë, Gjithsesi pyetjes ju përgjigjën në total rreth 50,000 gamers dhe kjo nuk është një shumë e vogël.