Riot premton se netcode i lojës do të jetë më i mirë se çdo shooter tjetër kompetitiv
Riot premton se netcode i lojës do të jetë më i mirë se çdo shooter tjetër kompetitiv
Project A u lançua së bashku me shumë lojëra të tjera gjatë fesitmeve të 10-vjetorit të Riot dhe tashmë fansat kanë filluar të ndihen entuziastë dhe kanë filluar ta krahasojnë lojën me shooter-a të tjerë popullorë si Counter-Strike, Call of Duty dhe Overwatch.
Ndryshe nga këto lojëra që tashmë janë më populloret në zhanrin FPS, Project A pritet të sjellë diçka ndryshme kur të lançohet: një netcode tërësish të ri, i cili pritet të luftojë kundër regjistrimit të keq të plumbave dhe të ulë peeker’s advantage.
Sipas producentes ekzekutive të Project A Anna “Supercakes” Donlon, hapi i parë Riot në zhanrin FPS do të sjellë ndryshim shumë të madh në lidhje me infrastrukturën për t’u siguruar që lojtarët të kenë eksperiencën më të mirë dhe kompania të luftojë internetin e keq.
“Jemi të gjithë të lodhur duke parë plumbat që nuk regjistrohen për shkak të tick-rate të ulët,” tha Supercakes. “Kemi kohë që dëgjojmë fjalë si ‘severa të dedikuar’, por asgjë për ping-un e ulët ose se si lojërat duan të luftojnë peeker’s advantage. E dimë se këto gjëra duhet patjetër të bëhen siç duhet“.
Riot ka një plan të dyfishtë për ta bërë këtë gjë. Një është vetë netcode, pasi Riot do të përdorë një version të modifikuar të kodit GGPO të Street Fighter që heq lag-un dhe balancon ping-un e lojtarëve.
Plani i dytë është një koncept i thjeshtë por i komplikuar i prezantuar fillimisht nga Riot në 2016 për t’u implementuar në League of Legends. Shkurtimisht, kompania do të krijojë internetin e saj.
Sipas planit të 2016, që është sqaruar në disa postime rradhazi të Riot, latency dhe packet loss mund të minimizohen duke i çuar të dhënat menjëherë nga serverat e lojës tek set-up-i i lojtarit në shtëpi.
Që prej 2015, Riot ka filluar të eksperimentojë me një sistem të ngjashëm me Google Fiber në Shtetet e Bashkuara. Kompania identifikoi rrugët më të shpejta nëpërmjet një procesi të vështirë dhe arriti shpejtësitë më të larta.
Katër vite më vonë, kompania duket se po hedh hapin tjetër në lidhje me këto lidhje të shpejta, pasi do i kombinojë ato për të krijuar netcode-in e lojës, duke e bërë Project A lojën FPS më të saktë në treg.
“Bazuar në atë që po ndërtojmë në Amerikën e Veriut, kemi krijuar një prej rrjeteve më të shpejta në kontinent. Me eksperiencën e fituar gjatë kësaj rruge, mund të përmirësojmë akoma dhe më shumë atë që kemi ndërtuar,” – tha Maynard-Koran, krijuesi i kësaj ideje.