Eventi i zbulimit të PS5 në qershor filloi me logon e Rockstar të hapur në gjithë ekranin, duke i bërë fansat të mendonin se më në fund kishte ardhur koha e shumëpritur. Për çudinë e audincës gjithsesi, u njoftua një remaster i GTA 5 dhe jo GTA 6.
Rockstar, që zakonisht ka një reputacion 10/10 me fansat u bombardua me dislikes dhe pakënaqësi prej tyre, pasi solli trailerin e GTA 5 në eventin e PS5. Tani mund të shohim se pse Rockstar po vonohet kaq shumë me GTA 6.
Njerëzit, kur diskutojnë boshllëkun kohor mes GTA 5 dhe lojës së ardhshme, thonë se kanë kaluar shtatë vite që nga loja e fundit e tij. Gjithsesi, që nga 2013 deri më sot, Rockstar e lançoi një lojë. Bëhet fjalë për Red Dead Redemption 2 në 2018n. Loja ishte një detyrë e madhe për çdo studio dhe padyshim që konsiderohet si një nga lojërat më të mira të të gjitha kohërave.
Për këtë arsye bën sens që të përfshijmë edhe RDR në bisedimet rreth GTA 6. Diçka tjetër që duhet marrë parasysh është se cikli i zhvillimit për RDR 2 shkaktoi shumë kontradita për Rockstar.
Raportime për një afate shumë të ngushta kohore dolën në lajme. Rockstar u akuzua për një mjedis toksik pune. Pas kësaj ndodhie kompania premtoi që do e lëshonte dorën dhe me një lojë aq masive sa GTA 6, gjasat janë që po përpiqet t’i japë të gjithë punonjësve kohën e nevojshme.
Çdo gjeneratë e re konsolash është sa emocionuese aq edhe tmerruese për zhvilluesit. Hardware-i i përmirësuar hap shumë dyer për avancime teknologjike dhe teknike në lojëra. Përtej kësaj hap edhe shumë sfida kur vjen puna për t’u përshtatur me to. Studiot zakonisht marrin kohën që ju duhet dhe Rockstar nuk do të donte ta rrezikonte këtë gjë, me atë që literalisht mund të jetë loja më e anticipuar e të gjitha kohërave.
Për këtë arsye, është në të mirën e publikut që Rockstar të marrë kohën që i nevojitet për ta bërë këtë siç duhet. Fundja i jepet vetëm një shans.