Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Një thashethem i ri për PS5 ka dalë në sipërfaqe dhe ka shqetësuar disa nga gamer-at e PlayStation, mbi shpenzimet që do të bëjnë në fund të këtij viti. Lajmi ka ardhur nga përdoruesi i NeoGAF, VFX Veteran, i cili konsiderohet si një burim i besueshëm nga shumë veta në forum. Sipas tij, edhe Xbox dhe PlayStation do të lançojnë jo një, por dy konsola. Specifikisht leaker-i hamendëson se të dy kompanitë do të sjellin një version të lirë të konsolës dhe një version më të shtrenjtë për tregun e hardcore gamers.
Leaker-i deklaron se Xbox Series X dhe Microsoft tashmë e kanë zbuluar versionin e tyre premium, pra do të ketë një version më pak mbreslënës që do të zbulohet në një moment të dytë. Sony gjithashtu duket se do të ketë të njejtën përqasje. PS5 fillestar do të jetë më inferior kundrejt Xbox Series X që është zbuluar tani, por versioni premium i PS5 do të mund të konkurojë me konsolën e Microsoft.
Detaje të mëtejshme nuk janë bërë të ditura, por leaker-i tha se kanë dëgjuar që versionet premium të konsolave mund të jenë të shtrenjta. Momentalisht ata nuk kanë një numër që mund ta bëjnë publik, por mendojnë se të dyja do ti afrohen vlerës së $600. Me fjalë të tjera, nëse doni të luani PS5 e vërtetë të gjeneratës së ardhshme do të duhet të filloni të lini ca para mënjanë.
Së fundmi leak-u thotë se nuk ka informacion nëse PS5 dhe PS5 pro do të lançohen së bashku. Sigurisht që e gjithë kjo nuk duhet marrë menjëherë si e mirëqenë, pasi është thjesht një thashethem dhe deri më tani shumë leaks nuk kanë rezultuar të vërteta për PS5 dhe Xbox Series X.
