Teksa controllers të DualShock 4 të PS4 mbahen që kanë përmirësim masiv në krahasim me ato të PS3, ato nuk ja kanë dalë që t’i shmangen plotësisht kritikave. Një ndër pakënaqësitë e fansave ka qenë jetëgjatësia e baterisë së DualShock 4, që zakonisht shkon nga katër deri në pesë orë në varësi të settings, që ka caktuar lojtari. Gjithsesi, nëse leak-u i fundit për PlayStation 5 është i vërtetë atëherë DualSense do të ketë një bateri shumë më të mirë se ajo e Dual Shock 4.
Ky thashethem vjen nga një përdorues i Reddit i quajtur: viper_on_fire, që mendohet se postoi një foto të DualSense controller dhe më pas e fshiu shpejt nga faqja. Një tjetër përdorues i Reddit, blursedpersona, thotë se ka folur me viper_on_fire për DualSense controller të PS5 dhe se ka mësuar disa detaje interesante për të.
Si duket, bateria e DualSense do të jetë tre deri në katër orë më e gjatë se ajo e DualShock 4, pra fansat mund të presin një jetëgjatësi baterie prej 7-8 orë.
Postimi në Reddit ofron disa detaje shtesë se çfarë fansat mund të presin nga DualSense e PS5. D-pad dhe face buttons do të jenë të krahasueshme me ato të DualShock 4, por touchpad-i do të “reagojë më shumë”. L1 dhe R1 nuk do të klikojnë, siç bëjnë në DualShock 4 dhe L2 dhe R2 “janë pak më të vështira për tu shtypur se normalisht.” Përsa i përket rehatisë, viper_on_fire thotë se DualSense do të jetë shumë më i rehatshëm.
Sado që DualSense controller ka një bateri më të mirë se DualShock 4, ai do të sjellë plot veçori të tjera. Të gjitha këto pritet të zbulohen në Astro’s Playroom, built-in platformer-i i PS5, që do ju japë fansave një ide më të mirë të kapacitetit të tij.
Sigurisht që nuk duhet ta merrni këtë informacion si menjëherë për të mirëqenë, pasi nuk është i konfirmuar. Sony akoma nuk e ka zbuluar datën e lançimit të PS5, por pritet që më shumë detaje të konkretizohen këtë muaj.