Heshtja e Sony me PS5, ka ndihmuar shumë Xbox Series X

Të gjithë sytë janë te Microsoft për momentin.

Një gjeneratë e re konsolash për gaming do të vijë 2020, por duke ditur se si po e menaxhon marketingun Sony për PlayStation 5, nuk dallohet shumë mirë. Deri më tani, përsa i përket informacioneve të reja , kemi patur një logo… dhe kaq.

Ka copëza të tjera të vogla tek tuk sigurisht, dimë se PS5 do të fuqizohet me AMD tech dhe se do të ketë backwards-compatibility me lojërat e PlayStation 4. Shumica e këtij informacioni erdhi në 2019. Përtej kësaj ka patur thashetheme për një çmim të lartë të konsolës, që nuk e kanë ndihmuar shumë në imazhin e përgjithshëm që po krijon me publikun.

“Kemi filluar të ndajmë disa nga veçoritë që mund të presim nga PlayStation 5, por nuk jemi ende gati që ta zbulojmë plotësisht atë që ka për të sjellë gjenerata e ardhshme e PlayStation.” Njofton Sony në portalin zyrtar të PS5.

Microsoft, nga ana tjetër ka kryesuar të gjitha bisedat e next-gen. E dimë dhe se si do të duket Xbox Series X dhe se çfarë parametrash mund të presim prej saj. Dimë disa lojëra ekskluzive si: Project: Mara e Ninja Theory. Dimë se Xbox Series X do të bëjë resume kudo që e latë lojën. Ideja është që dimë gjëra.

Microsoft ka kaluar vite të tëra duke u përpjekur që të ndryshojë perceptimin e publikut për brandin e Xbox përmes eksperimenteve si Xbox Game Pass dhe Xbox Adaptive Controller. Gjithsesi asnjë prej tyre nuk ka qenë aq i madh se Sony kur njoftoi se do i lejojë lojtarët të ndajnë lojërat e përdorura me miqtë e tyre. Videoja e kësaj, që nuk është as një veçori e mirëfilltë, ka 17 milionë shikime.

Momentalisht gjithsesi, Microsoft nuk ka pse të luftojë për vëmendje në këtë pikë dhe kjo po i bën njerëzit të kuptojnë, që konsola ka për të sjellë disa gjëra interesante në gjeneratën e ardhshme. Sony do zbulojë planet e tij herët a vonë, por momentalisht vëmendjen e merr Microsoft.