Sipas një raportimi, edhe PlayStation 5 edhe Xbox Scarlett janë “shumë të fuqishme,” gjë që me shumë mundësi sugjeron edhe një çmim relativisht të kripur. Ky informacion vjen nga Jason Schreier, i cili mbahet si një nga burimet më të besueshme në të gjithë industrinë.
Sipas tij të dyja konsolat e gjeneratës së ardhshme do të jenë shumë të fuqishme. Se sa të fuqishme ekzaktësisht, nuk specifikohet, por Schreier e thekson pjesën “shumë” në ligjëratën e tij. Kjo sugjeron që konsolat mund të jenë edhe më të fuqishme nga sa mendohet deri tani.
Schreier gjithashtu thotë se Microsoft është mbrapa Sony, kur vjen puna në komunikimin me zhvilluesit e palës së tretë. Kjo me shumë mundësi nuk do të ketë shumë impakt në produktin total, por mund të nënkuptojë se PS5 do të sjellë më shumë lojëra në lançim se Xbox Scarlett. Gjithashtu mund të na çojë të mendojmë se zhvilluesit po merren më shumë me konsolën next-gen të PlayStation në krahasim me atë të Xbox.
Së fundmi, Schreier gjithashtu thotë se Sony është duke dhënë maksimumin që PS5 të jetë sa më i aksesueshëm që të jetë e mundur, arsyeja kjo pse po i mëshon fort pjesës së eleminimit të loading times. Mungesa absolute e loading times është diçka pak skeptike, por një reduktim i ndjeshëm i tyre është sugjeruar nga Sony edhe më parë.