Sony publikoi një FAQ (frequently asked questions) të madh para lançimit të PlayStation 5 sot. Në të është lajmi se PS5 i ri nuk do të jetë i bllokuar nga rajoni dhe përdoruesit mund të luajnë lojëra të lëshuara jashtë rajoneve ku ata janë të regjistruar në PSN.
Të kesh aftësinë për të luajtur lojëra nga vendet e tjera është shumë emocionuese, për të thënë të paktën. Nëse një lojë e re lëshohet në Japoni, lojtarët në Shqipëri ose zonat përreth për shembull do të kenë gjithashtu akses në atë lojë pa kufizime rajonale (kjo vlen për të gjitha lojërat e bazuar në anime ose diçka të përngjashme).
Në lajme të tjera, falë këtij seksioni FAQ, mësuam se PS5 do të jetë në gjendje të luajë lojëra të vjetra PS3 dhe PS2 përmes shërbimit të lojrave në cloud të Sony, PlayStation Now. E cila me të vërtetë zgjeron sasinë e lojërave në dispozicion për të luajtur në PS5.
Sony ka deklaruar më parë se shumica e 4,000 lojërave të PS4 do të luhen në PS5. Raportet e hershme thonë se jo vetëm që jeni në gjendje të luani lojëra PS4 por ato duken dhe performojnë më mirë në PS5.
Sony gjithashtu njoftoi se me koleksionin PlayStation Plus, pronarët e PS5 mund të luajnë një pako me mbi 15 lojëra “përcaktuese të gjeneratës” së PS4. Sony deklaron se “ju do t’i shkarkoni dhe luani këto lojëra live, ato nuk bazohen në një shërbim transmetimi. Sony përfundoi duke thënë” i gjithë koleksioni do të jetë i disponueshëm kur PS5 të nisë më 12 nëntor “.