PlayStation ka zbuluar listën e lojërave falas në PS Plus për muajin korrik dhe sado që kualiteti i lojërave të përzgjedhura është i diskutueshëm, varieteti patjetër që nuk mungon. Lojërat falas të korrikut janë NBA 2K20, Rise of the Tomb Raider: 20 Year Celebration dhe Erica. Këto vijnë pas lojërave të qershorit që ishin: Call of Duty: WWII dhe Star Wars Battlefront II.
Përtej lojërave falas, PlayStation gjithashtu do të sjellë një tematikë falas PS4 këtë javë, për të festuar 10 vite të PlayStation Plus. Fundjava e ardhshme gjithashtu do të jetë një fundjavë falas online multiplayer për shërbimin, duke i lejuar njerëzit që nuk janë regjistruar ndonjëherë për të, që të mund ta provojnë.