ZeniMax, kompania që njihet si pronarja e Bethesdës, ka aplikuar për markimin e një loje të re të quajtur Deathloop.
ZeniMax, kompania që njihet si pronarja e Bethesdës, ka aplikuar për markimin e një loje të re të quajtur Deathloop.
Si kompania që gjendet pas The Elder Scrolls, Bethesda njihet të ketë një histori të fortë në PC. Deathloop mund të jetë puna e ardhshme e saj. Kjo e fundit mendohet të jetë një lojë mobile.
Këto aplikime nuk do të thonë se detyrimisht në të ardhmen do ta kemi lojën në duart tona, por padyshim që është interesante t’ju hedhësh një sy. ZeniMax përshembull plotësoi aplikimin për trademark-un e Starfield në 2013 dhe u deshën pesë vite që kompania ta klasifikonte Starfield si një nga projektet e ardhshme të Bethesdës.
Suksesi i Bethesdës me lojën e parë mobile të saj, Fallout Shelter ishte masiv, ndaj nuk është çudi që kompania po kthehet sërisht në atë lloj territori për çfarë mund të jetë loja e saj e ardhshme.
Emri i lojës i referohet një situate në lojë ku lojtarët nuk kanë një rrugdalje tjetër përveç vdekjes. Gjithsesi nuk është e thënë që kjo lidhet ose klasifikohet si një e dhënë për lojën, mbi të gjitha kur ajo është ende në fazat më fillestare të mundshme të saj. Se çfarë do të jetë ekzktësisht Deathloop mbetet për tu parë.