Zhanri i lojës ende mbetet mister
Zhanri i lojës ende mbetet mister
Prologue i PlayerUnknown u zbulua gjatë The Game Awards, por duket sikur Brendan “PlayerUnknown” Greene po sillet si Morpheus nga Matrix, pasi askush nuk duhet ta dijë se çfarë është Prologue. Teaser i lojës na dha më shumë pyetje sesa përgjigje, por një intervistë e re e krijuesit na hedh fare pak dritë mbi projektin.
“Ky është hapi i parë i udhëtimit për mua,” – tha Greene. “Ne e krijuam studion dhe e themeluam me qëllim që të eksperimentonim me teknologji të re. Tani, po hedhim hapat e parë drejt teknologjive të reja dhe Prologue është hapi i parë drejt një bote të re. Dua të sjell diçka që do të jetë globale.”
Kjo është shumë e paqartë, por Greene thotë me siguri se Prologue nuk është PUBG 2 dhe as një shooter. Ai thotë se ka shumë liri në pozicionin e tij dhe se mundësi të tilla nuk të vijnë shpesh, pasi nuk ke mundësi të zbulosh një lojë që do të pushtojë globin.
Website zyrtar e përshkruan Prologue si një eksplorim të gameplay dhe teknologjive të reja. Ky sens i paqartë identiteti përshtatet me vetë PlayerUnknown. Për ekipin, duket se loja do të jetë e vështirë dhe eksperimentale dhe me shumë lojtarë në zona të mëdha në lojë.
The Game Awards është një traditë e përvitshme vjetore tashmë nga ana e Geoff Keighley. Çdo vit shikuesit, zhvilluesit dhe kushdo që ka lidhje me gaming mblidhen për të celebruar lojërat më të mira të vitit. The Game Awards është gjithashtu vendi ideal për njoftime të reja. Klikoni linkun këtu për të parë listën e plotë të fituesve.