Guida e detajuar e panairit më të madh Europian
Guida e detajuar e panairit më të madh Europian
Ritmi i lançimeve të lojërave mund të bjerë gjatë verës, por falë E3 dhe Gamescom, gamer-at gjithmonë kanë diçka për të pritur. Gamescom 2019 tashmë ka momentin e saj, ku të gjitha kompanitë kanë zbuluar planin dhe përmbajtien e prezantimeve të tyre. Gjërat më në detaj do të fillojnë në datë 20 gusht dhe do të mbarojnë në 24 të po të njejtit muaj.
Në krahasim me vitin e shkuar, Gamescom 2019 duket më i plotë sepse ka tre prezantime mjaft të shumëpritura për tu parë. Një tjetër dallim është në prezencën e Geoff Keighley. Producenti i Game Awards do të prezantojë natën hapëse, pak orë përpara se dyert të hapen për publikun dhe shtypin.
Gjatë kësaj nate do të shohim njoftime dhe premiera të materialeve të reja të të paktën 15 studiove. Ndër to përmendim: 2K, Activision, Bandai Namco Entertainment, Bungie, Capcom, Electronic Arts, Epic Games, Google Stadia, Koch Media / Deep Silver, Private Division, Sega, Square Enix, Sony Interactive Entertainment, THQ Nordic GmbH, Ubisoft dhe Xbox Game Studios.
Sony do të fokusohet në Death Stranding, pasi Hideo Kojima e ka konfirmuar prezencën në shfaqje. EA pritet të prezantojë më në detaj Need for Speed Heat së bashku me trailerin e gameplay-it dhe Bandai Namco mendohet të zbulojë Elden Ring. Gjithashtu mendohet të zbulojmë më shumë mbi lojërat që do të ketë Google Stadia.
Të gjitha prezantimet do të mbahen të hënën në datë 19 gusht. Specifikisht programi është i strukturuar si më poshtë.
Ora: 19.00 në Twitch dhe Mixer.
Ora: 20:00 në YouTube.
Ora: 21:00 në Twitch.