Pro i Fortnite paguan kredinë studentore të së ëmës në stream

Pro i Fortnite Aydan Contrad është një nga streamerat më të mëdhenj të lojës në Stream, me mbi 1.4 milion ndjekës. Fansat e tij së fundmi patën mundësi të shikonin një nga xhestet më të bukura ndonjëherë, kur Aydan i pagoi mamasë së tij të gjithë kredinë e saj studentore.

Aydan bëri një pauzë nga stream-i i tij për të telefonuar të ëmën e tij, e cila momentalisht është duke marrë kurse universitare. Ai më tej i thotë asaj se do i japë “një dhuratë të vonuar Krishtlindjesh.”

“Nuk kam nevojë për asgjë Aydan, ke bërë mjaftueshëm për mua,” thotë ajo teksa në fytyrën e Aydan fillojmë të shohim një buzëqeshje. “Epo është shumë vonë ma,” i kthen përgjigje ai. “Të gjitha kreditë e tua studentore janë paguar.”

Këtu pastaj ka një heshtje të gjatë përpara se e ëma e tij të thotë: “Jo nuk janë. Ti nuk mundesh… nuk është një kredi federale, nuk mendoj se mund ta bësh dot këtë.”

“Tashmë fola me Lina, ka mbaruar si muhabet,” thotë Ayden. Më poshtë keni gjysmën e parë të bisedës, të marrë nga streami i Aydan në Twitch.

Pasi kupton që Adam e ka serizisht, e ëma e tij menjëherë shpërthen në lot lumturie. Është shumë prekëse.

Ayden fshin disa lot nga fytyra e tij dhe më pas falenderon fansat, duke thënë se ishin ata që e bënë të gjithë këtë të mundur. Aydan ka fituar mbi $160,000 në çmime të Fortnite përgjatë karrierës së tij. Kjo është përtej fitimeve që merr nga Twitch. Është realisht një veprim mbreslënës dhe altruist nga ana e tij.