Konami ka lançuar një version falas të Pro Evolution Soccer që quajtur PES 2019 Lite. Loja është falas për tu shkarkuar në Steam që tani.
Eksperienca maksimale që mund të merrni nga ky rast prapë mbetet në PES 2019, por versioni ‘Lite’ i saj do ju japë një shije të ngjashme. Këtu përfshihen offline exhibition matches dhe skill training krahas League mode nga PES. Kjo e fundit sjell kompeticione 1v1 dhe ju lejon të kualifikoheni për eventet globale duke marrë pjesë në turnamentet 3v3 co-op.
PES 2019 Lite do të përmbajë edhe myClub mode, që është si versioni PES i FIFA Ultimate Team. Këtu ju do të blini ose shkëmbeni lojtarë nga mbarë bota në përpjekie për të ndërtuar skuadrën më të mirë. MyClub përmban brenda tij edhe disa legjenda si Maradona dhe Beckham.
Gjithsesi versioni i plotë i PES 2019 qëndron dhe mund të blihet në Steam për 59.99 $. Sipas konferencës për shtyp të Konamit PES 2019 Lite duhet të jetë gati për download-im në Steam që tani, por në momentet që po shkruhet artikulli ende nuk kemi asgjë në faqen e Steam. Urojmë që deri në kohën që do e lexoni ju, loja të ketë dalë në sipërfaqe.