Mund të kemi marrë konfirmimin e parë për lançimin e lojës.
Mund të kemi marrë konfirmimin e parë për lançimin e lojës.
Lajmet për GTA 6 nuk do të ndalojnë kurrë. Në mes të të gjithë thashethemeve dhe leaks për lojën, kemi marrë tashmë konfirmimin e parë për të. Dublanti zanor i Trevor, një nga protagonistët kryesorë të lojërave të mëparëshme, ka deklaruar se GTA 6 do të lançohet në 2020-2021. Ky është një nga konfirmimet e para që kemi marrë deri tani për lojën.
Gjatë një interviste në Brazil Game Show 2019, Steven Ogg, dublanti i personazhit të Trevor, zbuloi se vazhdimi i GTA 5 do të vijë së shpejti. Tekstualisht ai tha:
“Do të vijë së shpejti. Videolojërat duan zakonisht shtatë deri në tetë vite të zhvillohen, ndaj bëjeni llogarinë vetë.”
Steven ju përshtat mjaft mirë të gjitha thashethemeve dhe leaks-ave që janë bërë deri më tani për lançimin e GTA 6. Rrjedhimisht kjo periudhë kohore konfirmon që loja do të jetë për gjeneratën e ardhshme të konsolave, pse jo ndoshta të vijë bashkë me lançimin e tyre.
Në dhjetor të 2018s, një zhvillues anonim nga Europa tha se Grand Theft Auto 6 do të lançohet me PlayStation 5 gjatë fundvitit të 2020s. I njejti leak sugjeronte se Sony kishte bërë një marrëveshje me Rockstar Games që ta mbante GTA 6 ekskluzive për gjeneratën e re të konsolave për një muaj. Një skenar ky plotësisht i mundur.
Për momentin, i vetmi informacion real që kemi mbi lançimin e GTA 6 është deklarata e Steven Ogg. Mbetet të presim me durim për detaje të mëtejshme.