Adam Sussman, dikur në Nike, EA dhe Take-Two i është bashkuar Epic Games si presidenti i ri i kompanisë.
Adam Sussman, dikur në Nike, EA dhe Take-Two i është bashkuar Epic Games si presidenti i ri i kompanisë.
Falë Fortnite, Epic Games është momentalisht një nga kompanitë më të mëdha në industrinë e gaming. Krahas lojës battle royale, Epic gjithashtu po përpiqet të fitojë avantazh në territorin e PC me Epic Games Store. Përpara se Fortnite të ishte një emër i rrahur, Epic njihej për krijimin e Unreal Engine dhe për serinë e Gears of War, që më vonë u ble nga Microsoft.
Të futesh si kreu i Epic Games në 2020 është diçka shumë fitimprurëse dhe duket se Sussman është gati për këtë gjë. Kjo erdhi si pasojë e tërheqjes nga posti të ish presidentit të Epic, Paul Meegan, në qershor të 2019s. Meegan kishte qenë me kompaninë që në 2012.
Presidenti i ri i kompanisë, sado që ishte për herë të fundit në kompaninë e Nike, ka patur lidhje të mëparëshme me botën e gaming. Sussman ka patur përfshirje te Zynga, EA, Take Two dhe The Walt Disney Company. Koha që ai kaloi te Zynga dhe EA ishte e dedikuar ndaj mobile gaming, gjë që e bën kalimin e tij në Epic edhe më interesant. Ai e solli lajmin përmes profilit të tij në LinkedIn.
Është ende herët të dimë se çfarë impakti do të ketë Sussman në Epic Games, por besojmë se një farë gjurme ka për ta lënë në të ardhmen e kompanisë.