E kemi ditur prej kohësh se Netflix do të na sjellë më shumë material të The Witcher, përtej sezonit të dytë të serisë kryesore. The Witcher: Blood Origin do të jetë një prequel me gjashtë episode, që do të tregojë një histori të vendosur 1,200 vite më parë se Geralt of Rivia të shëtiste në The Continent.
Së fundmi Netflix ka zbuluar disa detaje të plotit, përfshirë personazhin kryesor dhe një anëtar të kastit që do të jetë pjesë e serialit.
Jodie Turner-Smith, një aktore dhe modele britanike që ka luajtur më parë në filmin Queen & Slim, do i bashkohet serialit si luftëtarja Éile. Sipas historisë, Éile është bekuar me zërin e një perëndeshe e cila largohet nga klani i saj për të ndjekur dëshirat dhe zemrën. Një shkatërrim i Continent e detyron atë t’i kthehet luftës në një kërkim për hakmarrje dhe shpagesë.
Drejtorja e The Witcher, Lauren Hissrich do të jetë producente e Blood Origin. Declan de Barra, një nga shkrimtarët e Season 1 do të jetë drejtor këtu dhe Andrzej Sapkowki, autori origjinal i The Witcher do të jetë konsultant i serialit.