Predator: Hunting Grounds do të vijë në PS4 në 2020

Po, bëhet fjalë për Predator filmin.

Një nga zbulimet më surprizuese nga State of Play i PlayStation-it ishte Predator: Hunting Grounds. Nëse po pyesni veten bëhet fjalë për Predator nga ai filmi i mirë me  Arnold Schwarzenegger.

Predator: Hunting Grounds do të zhvillohet nga IllFonic, studioja që solli Friday the 13th: The Game në 2017n. Nuk ka ende shumë detaje për lojën, pasi është ende në stadet e hershme të zhvillimit të saj, por mendohet të kemi të bëjmë me një eksperiencë multiplayer.

Studioja IllFonic u krijua për të bërë lojëra të bazuara nëpër filma. “Për herë të parë u mblodhëm përpara 12 vitesh. Do të bënim vetëm lojëra të bazuara në filmat që ne na pëlqenin shumë. Qartazi Predator duhet të ishte pjesë e përzgjedhies tonë. Një pasdite pas E3 ne ndamë idenë tonë dhe ja ku jemi tani.” Është shprehur Brungardt.

Që ky projekt të vinte në jetë IllFonic bashkëpunoi me Sony Interactive Entertainment dhe Fox. Kjo nuk është e vetmja lojë e bazuar në film që u njoftua këtë javë. Klikoni linkun për të lexuar artikullin e John Wick Hex, videolojën për PC të bazuar në filmat e John Wick.