Ka ardhur koha që të gjithë të mund të luajnë Gears 5 si pjesë e testit teknik të ardhshëm që do i bëhet lojës. Gjithsesi ka një trailer të ri që është publikuar, për ti krijuar një ide më të mirë fansave se çfarë do të sjellë loja. Trailer-i fokusohet në mode-in Arcade të Gears 5, kjo një nga modet që do të luhet gjatë periudhës së testimit. Te ky i fundit lojtarët kanë aftësi dhe veçori të ndryshme që do i ndihmojnë ti mbijetojnë betejës.
E përshkruar si eksperienca më intensive në Gears, mund të shikoni në trailer-in më poshtë se çfarë ekzaktësisht ofron Arcade mode. Sado që emri mund të sugjerojë se gjërat do të jenë gallatë dhe në formë loje, është në fakt e kundërta e ksaj. Në fakt nga të gjithë previews-at që kemi parë të lojërave të Gears më parë, kjo mund të jetë më brutalja. Sulmet, goditjet në kokë dhe ekzekutimet nga më krijueset do të kënaqin çdo fans të Gears of War.
Gjithsesi ka një mekanikë që nuk do të jetë prezent në këtë mode. Wall Bouncing është një nga strategjitë më të njohura dhe të përdorura në universin e Gears of War. Kjo përdoret për të hutuar kundërshtarët, duke lëvizur shpejt në një pozicion të ri, por në Arcade nuk keni për ta hasur fare si opsion.
“Përdorni Skulls në çfarëdo çasti që të doni për të bërë upgrade”, thoshte postimi. “Dhe mos u shqetësoni, Skulls nuk janë të bazuara në streaks, ndaj mund ti mbani Skulls-at e pashpenzuara edhe nëse vdisni. Nëse doni ti bëni gjërat pak më interesante dhe të ndryshoni personazhin në mes të ndeshjes, ato do ju transferojnë në një mënyrë që të mund të filloni edhe me armën më të fuqishme.”
Testimi i parë teknik i Gears 5 do të fillojë në 19 korrik. Ndiqni trailer-in e mode-it më poshtë.