Një postim në PlayStation blog mund të ketë bërë leak Y5S4 e R6S

Sipas postimit në PlayStation blog, sezoni i ri në Rainbow Six Siege do të vijë shumë shpejt dhe do të sjellë një mal me ndryshime

Postimi më i fundit në PlayStation blog ka zbuluar se Rainbow Six Siege do të vijë në PlayStation 5 më datën 1 dhjetor të këtij viti. Gjithashtu ky post përmend se versioni PS5 i lojës do të vijë bashkë me sezonin e katër që do të thotë se Y5S4 i Rainbow Six Siege ka mundësi të vijë më 1 dhjetor.

Sezoni i katërt i lojës i cili njihet ndryshe si Operation Neon Dawn, do të jetë sezoni i cili do të sjellë një mal me ndryshime në lojë. Një ndër këto ndryshime do të jetë balancimi i operatorëve të ndryshëm si Jager, Wamai dhe Ash.

Këto ndryshime do të ndihmojnë shumë attackers të cilët kishin shumë probleme pasi shumicën e rasteve ndodhte që një kombinim operatorësh në defense të ishte i pamposhtshëm. Kjo gjë rezultoi në një ndryshim. ADS e Jager do të ndryshojnë, Wamai do të humb një prej Mag-NET të tij kurse Ash do të ketë një grenade më shumë për grenade launcher e saj.

Fansat e R6S mezi po i presin këto ndryshime duke iu shtuar interesin mbi Six Invitational 2021 pasi çdo skuadre tashmë do t’i duhet të mendojë strategji të reja. Së fundmi u zbulua se Six Invitational i vitit 2021 do të vijë përsëri gjatë muajit shkurt.

Gjithashtu para pak kohësh, një postim në Twitter nga Rainbow Six Siege konfirmonte lançimin e sezonit të ri më datën 1 dhjetor por ky postim u fshi menjëherë.