Posteri i Modern Warfare 2019 hedh shenja drejt Modern Warfare 2 Remastered

Posteri zyrtar i Modern Warfare ka hedhur shenja drejt ardhjes së Call of Duty: Modern Warfare 2 Remaster. Kjo u zbulua nga një fans i lojës, që mund të themi se kishte një sy shumë të mprehtë.

Për ata që nuk e dinë, Modern Warfare 2 ende konsiderohet si loja më e mirë e serive të Call of Duty. Ka kohë që një ripunim i saj ka qenë tematikë thashethemesh, por ne ende jemi në pritje të konfirmimit zyrtar nga Infinity Ward dhe Activision.

Sipas një postimi në Twitter, imazhi i Call of Duty: Modern Warfare 2019, përmban një të dhënë, në pamje të parë jo fort të dukshme. Nëse e shikon foton me kujdes, numri 2 dallohet qartë në mëngën e Captain Price. Lexohet kështu fjalia: “Modern Warfare 2 is Back.”

Sigurisht që asgjë nuk është konfirmuar dhe e gjitha kjo mund të jetë një rastësi, por nuk e di… ai 2-shi më duket shumë perfekt për të qenë thjesht një rastësi. Edhe fonti që formon është i njejtë me gërmat e tjera. Nuk është ndonjë gjë e re që njerëzit duan rikthimin e Modern Warfare 2, ndaj pse të mos e bëjnë të mundur këtë zhvilluesit.

Call of Duty Modern Warfare 2019 do të lançohet në 25 tetor për PlayStation 4, Xbox One dhe PC.