Politikanët republikanë fajësojnë videolojërat për masakrat në SHBA

Kryetari i Republikanëve në parlament Kevin McCarthy thotë se “videolojërat i bëjnë individët çnjerëzorë“

Kevin McCarthy, kryetari i Partisë Republikanë në Parlamentin Amerikan, thotë se videolojërat kanë një pjesë të fajit për sa i përket masakrave në Amerikë, pas vrasjes së 29 personave në dy ngjarje të ndryshme në El Paso, Texasdhe Dayton, Ohio.

Një person i armatosur vrau 20 njerëz dhe plagosi 26 të tjerë në një qëndër tregtare në El Paso ditën e djeshme në një incident që zyrtarët po e trajtojnë si “terrorizëm vendas“. Policia ka ndaluar një 21 vjeçar të dyshuar si autor. 13 orë më vonë, një tjetër person i armatosur hapi zjarr në qëndër të Dayton, duke vrarë 9 njerëz dhe duke plagosur 27. Forcat e rendit e vranë personin, i cili u identifikuar si Connor Betts, 24 vjeç.

Në një intervistë me Fox News, një ditë pas këtyre masakrave, McCarthy tha se videolojërat që përmbajnë armë “i bëjnë individët çnjerëzorë“.

“Kam menduar se ky ka qënë gjithmonë problem për gjeneratat e ardhshme. Shohim nga studimit e mëparshme efektet që kanë ato mbi individet,” pa cituar asnjë studim specifik. “Kur shikon fotografitë se si ngjarja ndodhi, mund t’i shikosh të njëjtat veprime në videolojëra“. Klipin e plotë mund ta shihni më poshtë:

Këto komente pasuan komentet e zëvendës-guvernatorit të Texas Dan Patrick, pas vrasjeve që ndodhën në El Paso. Në një deklaratë për Fox News, Patrick tha se industria e videolojërave “i mëson të rinjve si të vrasin“.

“Sa kohë do i lejojmë dhe do i injorojmë në nivel federal, kur ne mund të bëjmë diçka për industrinë e videolojërave,” tha Patrick, përpara se të përmendte një deklaratë online të postuar vetëm disa minuta para ngjarjes. “Në këtë deklaratë, e cila ne besojmë se është nga vrasësi, ai flet për të jetuarin e fantazisë së tij si super ushtar në Call of Duty.”

Ai tha gjithashtu se “ka pasur studime që i provojnë pasojat e videolojërave tek njerëzit dhe studime që e kundërshtojnë“. Më pas ai shtoi: “Në fund të ditës shikoj të përbashkëtat, si një baba rreth 60 vjeç dhe një gjysh vetë, çfarë ka ndryshuar në këtë vend? Kemi pasur gjithmonë armë, kemi pasur gjithmonë ligësi, por çfarë ka ndodhur për të pasur një numër kaq të lartë vrasjesh? Këtu unë shikoj industrinë e videolojërave e cila i mëson të rinjve si të vrasin.”

“Na duhet të gjejmë kohë për të parë se cilët jemi ne si komb, ku duam të shkojmë, dhe çfarë do të tolerojmë nga mediat sociale dhe videolojërat,” shtoi ai. Klipin mund ta gjeni më poshtë: