Pokimane firmos një marrëveshje ekskluziviteti me Twitch

E njohur si një nga yjet më të mëdhaja në Twitch dhe sigurisht si streamerja më e madhe femër në platformë, Imane ‘Pokimane’ Anys, ka firmosur një marrëveshje ekskluziviteti disa vjeçare me Twitch.

Pasi një grup streamerash shumë të njohur të Twitch si Tyler ‘Ninja’ Blevins, Michael ‘Shroud’ Grzesiek, and Jack ‘CouRage’ Dunlop u larguan nga platforma për të bërë stream ekskluzivisht për rivalë si Mixer, YouTube dhe Facebook Gaming. Platforma e Amazon filloi vetë që të ofronte marrëveshje për të siguruar streamerat e saj. Emra si TimTheTatman dhe Dr Lupo kanë firmosur marrëveshje për të qëndruar në Twitch.

Për të mbajtur të lidhur edhe Pokimane pastaj, që është shumë e njohur në platformë dhe ka adresën e shtatë më të ndjekur, Twitch ndoqi të njejtat hapa. Pavarësisht thashethemeve që po qarkullonin vitin që lamë pas se Pokimane mund të kalonte në Mixer, 23 vjeçarja e ka përkushtuar të ardhmen e saj te platforma. Këtë e ka bërë të ditur përmes një deklarate ku bën të ditur se Twitch është i vetmi vend me “infrastrukturën dhe veglat” e duhura që do i japin mundësitë të vazhdojë të zgjerojë komunitetin e saj masiv.

“Komuniteti i streamerave në Twitch dhe komuniteti që kam ndërtuar në kanalin tim, ka shumë vlerë për mua,” thotë Pokimane. “Dua të vazhdoj që të lë një impakt në botën e livestreaming dhe mendoj se nuk ka asnjë vend tjetër me infrastrukturën dhe veglat e duhura që ma mundësojnë këtë.”

Pokimane, e cila është shumë pranë të qënurit kanali i dhjetë në historinë e Twitch që kap 4 milionë ndjekës, ka një mesatare prej 12,000 shikuesish në stream-et e saj dhe 9,000 subscribers ne kanal.

United Talent Agency, që përfaqëson Pokimane dhe që u bë ndërmjetëse për kontratën e saj, ka negociouar më parë marrëveshje edhe për klientë që duan të largohen nga Twitch.

Vlera e marrëveshjes së Pokimane me Twitch ende nuk është bërë e ditur, por ka shumë gjasa të jetë në vlerën e miliona dollarëve.