Pokimane dhuron $50,000 për bursa të esports në UCI

Imane  “Pokimane” Anys do të dhurojë $50,000 për University of California Irvine për të ndihmuar me mundësitë e bursave për studentët që kërkojnë të marrin pjesë në kompeticionet esports të shkollës. Streamerja e njoftoi këtë gjë sot.

Streamerja po ndihmon në krijimin e “Pokimane Scholarship” në bashkëpunim me UCI Esports për të suportuar studentët që dëshirojnë të ndjekin diplomën e tyre universitare, teksa në të njejtën kohë konkurojnë në kompeticione gaming.

Pokimane tha se balancimi i pasionit të saj për gaming teksa në të njejtën kohë punonte për të marrë diplomën në McMaster University nuk ishte i thjeshtë. Kjo përpara se ajo të largohej prej aty.

“Jam shumë e lumtur që kam mundësi të jap diçka për botën e gaming, e cila më ka dhënë mua kaq shumë. Më pëlqen që mund ta ndaj eksperiencën time se si erdha këtu ku jam sot, me shpresa se do të ndihmojë edhe të tjerët që po ndjekin të njejtën rrugë. Gjithashtu jam super e lumtur që po mbështes programin esports të UCI, sepse studentët e tyre janë duke u fokusuar edhe me diplomën edhe me një karrierë në gaming, që mesa mund të them nga eksperienca, nuk është e lehtë.”

Nuk do të ketë limite se sa herë mund ta marrë një person bursën gjatë kohës që ata e frekuentojnë programin, por detaje të tjera për specifikat ende nuk janë të ditura. Donacioni total i Pokimane prej $50,000 do të ndahet në dysh që të shfrytëzohet nga universiteti për dy vitet e ardhshme.

Bashkë me këtë dhurim, streamerja gjithashtu do të sponsorizojë katër studentë nga STEM Advantage, që po ndjekin diplomat e tyre në shkencë, teknologji, inxhinieri ose matematikë.

“Kjo është një eksperiencë shumë emocionuese për komunitetin e UCI gaming,” tha presidentja e The Association of Gamers në UCI, Shannon Chan. “Është inspiruese të shohësh një streamere të një rëndësie kaq të madhe të ndërveprojë kaq afër nesh. Faleminderit Pokimane për dhuratën e saj bujare. Si lidere në skenën e gaming që kemi në kampus, kam patur mundësinë të njoh shumë gamera të apasionuar që jam e sigurtë se do të emocionohen shumë për këtë. “

Më shumë informacion do të jetë i disponueshëm në të ardhmen, teksa detajet pas bursës dhe specifikat e saj të finalizohen mes Pokimane dhe UCI.