Duhet të falenderojmë këmbënguljen e lojtarëve për NPC e reja të Fallout 76.
Duhet të falenderojmë këmbënguljen e lojtarëve për NPC e reja të Fallout 76.
Lajmi se Fallout 76 do të marrë njerëz si NPC në update-in e Wastelanders ka bërë shumë lojtarë të hidhen përpjetë nga gëzimi. Mungesa e këtyre NPC-ve ishte një nga kritikat kryesore të Fallout 76, nga shumë njerëz. Kjo mund të jetë shenja e parë që Fallout 76, është gradualisht duke u bërë MMO që të gjithë mendonim se do të ishte. Gjithsesi sipas Marc Tardif, drejtori i studios në Bethesda Game Studios, updte Wastelanders dhe NPC nuk ishin fare në planin e kompanisë derisa i përmendi komuniteti i lojës.
“Wastelanders as nuk ishte fare në planet tona, por ishte komuniteti i që na ndihmoi të shkonim në atë drejtim.” Është shprehur ai gjatë një interviste në E3. Është e qartë pra që komuniteti i lojës ka një ndikim shumë të madh në vendimet e marra prapa skenave. Ai gjithashtu u shpreh se kur vjen puna te Nuclear Winter, mode-i battle royale i ri që ka loja, do të jetë komuniteti ai që do të diktojë se çfarë ndodh me të. “Ne kemi disa ide,” është shprehur Tardif, “por janë ata që kanë fjalën përfundimtare.”
Bethesda po dëgjon se çfarë lojtarët duan dhe me shumë mundësi kjo do të jetë një shenjë e mirë për të ardhmen e lojës. Ndaj nëse jeni frenuar përpara luajtjes së Fallout 76, tani mund të jetë fiks koha e duhur për ta provuar.