Guiness World Records e kanë njohur brandin e PlayStation si konsola me e shitur e të gjitha kohërave.
Në një njoftim të bërë në Twitter, Sony konfirmoi se titulli ‘best-selling‘ vlen për të gjitha shitjet e bëra në të katërta gjeneratat e konsolës. Kjo përfshin ato të PlayStation-it origjinal deri në PlayStation 4.
Sony ka shitur në total mbi 450 milionë njësi në mbarë botën, përgjatë katër gjeneratave. Një shifër fenomenale kjo, që është shënuar në Rekodet Guinness.
We're thrilled to be certified as the best-selling home video game console brand ever, with over 450 million units sold across the original PlayStation, PS2, PS3, and PS4 as of Nov. 7 according to @GWR.
— PlayStation (@PlayStation) December 3, 2019
And it's all thanks to you 💙 pic.twitter.com/maO0TOVqs2
Nëse do të hedhim një sy pas, konsola e parë e familjes së PlayStation është lançuar në 1994 dhe ka shitur 102.49 milionë njësi. PlayStation 2 i ndoqi këto hapa të suksesshme në 2000 dhe ende mbetet konsola më e shitur e të gjitha kohërave me mbi 155 milionë njësi të shitura.
PlayStation 3 nga ana tjetër është më mbrapa nga të gjitha, pasi pati një fillim të vështirë kur u lançua në 2006, kryeshisht prej kostos së tepruar të çmimit. Në fund të asaj gjenerate Sony konfirmoi më pak se 87.4 milionë njësi të shitura. PlayStation 4 pastaj, ndryshoi çdo gjë për komaninë, me 102.8 milionë njësi të shitura deri më sot.
Pasardhësi i tyre, PS5 do të lançohet në periudhën e pushimeve të 2020s. Gjithsesi, Sony do të vazhdojë të kryejë shitje të tjera të PS4 përgjatë kësaj periudhe pritjeje. Le të themi që këto janë kohë të mira për Sony.