Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Më shumë informacion rreth lojës do të vijë në qershor.
Gjatë livestream-it të Sony për State of Play, patëm edhe përmendjen e Final Fantasy VII Remake. Një trailer fantastik u zbulua për lojën, duke treguar personazhe të dashura për publikun, pak combat dhe UI e re. Në të ne shohim Cloud teksa takohet për herë të parë me Aerith në Midgar. Gjithashtu mund të shohim Barrett, Wedge, Jessie dhe disa nga anëtarët e tjerë të Avalanche drejt sabotimit të një prej reaktorëve të Shinra.
Në një moment të vogël mund të shohim edhe pak nga One-Winged Angel. Sado që Sephiroth nuk vërehet shumë mirë, mund të dallohet menjëherë sa antagontist do të jetë roli i tij. Nëse pjesa e parë e Final Fantasy VII Remake ka vetëm kapitullin e Midgar, gjasat janë që Sephiroth nuk do të ketë prezencë shumë të madhe në histori. Vetëm nëse kanë vendosur ta ndryshojnë rrjedhën e saj pastaj.
Detaje më specifike ende nuk janë zbuluar, por thjesht duke e parë trailer-in e remake-ut, jemi super të emocionuar mbi lojën.
Vetë fundi i trailer-it na thotë që do të zbulojmë më shumë në qershor. Me shumë gjasa kjo do të ndodhë gjatë E3. Le të shpresojmë që Square Enix do të na thotë më shumë për Remake-un e ardhshëm dhe pse jo ndonjë datë lançimi të afërt për të. Trailer-i konfirmon se loja është për PS4 dhe jo për konsolën e gjeneratës së ardhshme, PS5.
