Gjithsesi për ta luajtur ju duhet një PSVR
Gjithsesi për ta luajtur ju duhet një PSVR
Sony Interactive Entertainment është duke dhënë një super lojë falas për përdoruesit e PS4, më saktë një nga lojërat më të mira në konsolën PlayStation. Fatkeqësisht nëse nuk keni PlayStation VR nuk mund ta luani, sepse bëhet fjalë për Astro Bot: Rescue Mission.
Loja është literalisht një nga më të mirat e PlayStation me 90 pikë në Metacritic. Duket gjithashtu se Sony është duke e sjellë lojën falas vetëm për disa përdorues. Pjesa më e keqe e kësaj? Është një përzgjedhje komplet rastësore.
Pra nëse jeni mjaftueshëm fatlum sa për ta marrë lojën, do të jeni edhe më të lumtur që nuk ka asnjë kleçkë pas saj. Sonyt thjesht i shkrepi që të bënte diçka të bukur për përdoruesit e PlayStation 4.
Nuk është fort e qartë se sa kopje do të japë Sony, por me sa duket ky giveaway është kaq rastësor, sa ju ka ardhur edhe përdoruesve që nuk kanë fare PSVR.
Siç disa prej jush mund ta dinë, Sony herë pas here bën kështu gjërash. Pra nëse nuk qëlluat me fat këtë rradhë, ka shumë mundësi që do të vijë dita dhe për ju.
Për ata që nuk e dinë Astro Bot: Rescue Mission u lançua rreth një vit më parë dhe konsiderohet si një nga lojërat më të mira VR të bëra ndonjëherë. Kjo është edhe arsyeja pse ka marrë shumë çmime përgjatë vitit si Loja më e Mirë VR.
Sipas review-it tonë: “Astro Bot Rescue Mission është një platforme inovative dhe kreative e cila i afrohet potencialit të PlayStation VR dhe përcjell një eksperiencë të paharrueshme. Një prezantim mahnitës që ngrihet edhe më lart nga animimi i shkëlqyer i lojës, ju siguron gjithmonë prezencën në këtë botë virtuale. Ky është lloji i lojës që do t’iu lërë të kenaqur edhe pasi ti keni hequr kufjet dhe fjalë më të mira se keto nuk mund t’iu themi.”