PlayStation zyrtarisht nuk do të marrë pjesë në E3 2019, sipas një njoftimi nga Sony. Kjo shënon herën e parë në 24 vite histori të E3 që gjigandi i industrisë së gaming nuk do të vijë.
Në një deklaratë Sony konfirmoi se nuk do të marrë pjese në konferencën anuale, duke komentuar se: “Teksa industria evoluon, Sony Interactive Entertainment vazhdon të kërkojë për mundësi inovative në komunitet. Fansat e PlayStation vlejnë sa gjithë bota për ne dhe ne dëshirojmë që të vazhdojmë të mendojmë ndryshe dhe të eksperimentojmë me mënyra të reja për të kënaqur përdoruesit tanë. Si rezultat kemi vendosur të mos marrim pjesë në E3 2019. Po eksorojme mënyra të reja për tu përfshirë me komunitetin tonë në 2019 dhe mezi po presim që ti ndajmë këto mënyra edhe me ju.”
Ky lajm shënon herën e dytë që Sony anullon një event madhor të PlayStation në muajt e fundit. Sipas Shawn Layden, kreu i studiove të Sony Interactive Entertaintment, problemi është që komania nuk do të kishte mjaftueshëm material të ri për ta justifikuar veten tek evenimenti. “Ne nuk duam ti rrisim pritshmëritë e audiencës tonë shumë lart dhe më vonë të mos i përmbushim dot.” U shpreh Layden.
Në tetor të këtij viti, Kenichiro Yoshida, president dhe CEO i Sony konfirmoi planet për pasardhësin e PS4, duke çuar në spekulime se Sony mund të jetë duke e uluar pak hovin me PS4 për tu marrë më shumë me përgatitjet e PS5.
Gjithsesi Sony nuk është e vetmja kompani që ka anashkular një vit pjesëmarrjeje në E3. Nintendo bëri të njejtën gjë në 2013. Duke marrë parasysh axhendën e ngarkuar të Sonyt në këto momente, nuk do ta konsideronim domosdoshmërisht si një lajm të keq.