PlayStation 5 State of Play mund të vijë më 6 gusht

Data e State of Play të ardhshëm po qarkullon nga i njëjti burim që bëri leak zbulimin e PlayStation 5

Një tjetër shfaqje rreth PlayStation 5 pritet të zhvillohet në dy javët e ardhshme sipas leaks që po qarkullojnë në rrjetet sociale. Zërat vijnë nga Roberto Serrano, i cili njihet si një leaker mjaft i mirë për informacionet rreth PlayStation, duke bërë gjithashtu leak edhe zbulimin e PlayStation 5 muajin e kaluar.

Sipas Serrano, stream-i PS5 State of Play do të mbahet më 6 gusht dhe do të nisë në orën 22:00 në YouTube, Twitch dhe website-in e PlayStation. Serrano nuk dha më shumë informacion, por duke gjykuar nga zërat e derimëtanishëm, pritet që Sony të zbulojë shumë lojëra të tjera përveçse Spider-Man: Miles Morales dhe Horizon: Forbidden West.

Normalisht që asgjë nuk është ende e sigurt derisa Sony të konfirmojë zyrtarisht eventin. Pritet që gjatë dy javëve në vijim të mësojmë më shumë nëse ky stream është i vërtetë.