PlayStation 5 po shitet në tregun e zi për çmime të çmendura

Kërkesa e lartë dhe mungesa e PlayStation 5 kanë bërë që blerësit e kësaj konsoleje ta shesin atë për një çmime vërtet të çmendur

Pas pritjes së madhe, më në fund PlatStation 5 është lançuar në disa vende të botës. Në pothuajse të gjitha dyqanet, konsola ishte e shitur duke e lënë tregun bosh. Kërkesa e madhe për një PlayStation 5 ka bërë që shumë njerëz ta shesin PlayStation 5 për shuma të çmendura në tregun e zi online.

Kërkesa e madhe e krijuar nga lojtarët ka bërë që PS5 të mos ketë më njësi për t’u shitur në treg nga shitës të autorizuar. Kjo gjë ka bërë që shumë persona të cilët kanë blerë PS5 ta shesin atë në tregun e zi online për çmime tepër të larta dhe një prej këtyre çmimeve ishte shuma prej 1,999 dollarësh amerikanë.

Nëse do të blinit një PlayStation 5 nga një shitës i autorizuar, PlayStation 5 do të kushtonte 499 dollarë amerikanë por shitja në tregun e zi online iu lejon të tjerëve të vendosin çmime sipas dëshirës. Kërkesa e lartë ka bërë që personat që zotërojnë një PS5 ta nxjerrin atë në tregon me këto lloj çmimesh që janë pothuajse tre ose katër herë më shumë se vlera origjinale.

Një prej drejtuesve të PlayStation ka dalë në një deklaratë duke u shprehur se kjo gjë që po ndodhte nuk ishte aspak normale. Por kjo gjë iu mësoi atyre se kurrë nuk duhet të bëjnë gjëra të tilla kur bota është e zhytur thellë në pandemi.

Gjithashtu ai u shpreh se ata kanë qënë duke prodhuar më shumë PS5 për ditën e lançimit se çdo konsole tjetër në historinë e tyre. Nëse njerëzit nuk do të mund të gjejnë një konsole atëherë do t’iu duhet të presin deri pas Krishtlindjeve.