Leak-et e fundit për PS5 tregojnë se gjenerata e ardhshme do të fokusohet te streaming
Leak-et e fundit për PS5 tregojnë se gjenerata e ardhshme do të fokusohet te streaming
Emri i koduar i Playstation 5 është Prospero dhe konsola do të ketë një kamera të integruar në të, ose të paktën kështu raportohet nga Gizmodo. Artikulli i tyre citon si burim një leaker anonim i cili ka dërguar gjithashtu dhe fotografi të konsolës së gjeneratës së ardhshme në qershor, disa muaj përpara se një patentë zyrtare e Sony që tregonte një model të ngjashëm hardware u zbulua online.
Kjo deri diku e bën burimin dhe më të besueshëm. Ai gjithashtu thotë se po punon për një lojë next gen si për Playstation 5, ashtu edhe për konsolën e ardhshme të Microsoft, Xbox Project Scarlett. Gizmodo raporton se modelet të reja të dev kit të Playstation 5 i janë dërguar studiove gjatë verës dhe momentalisht ato referohen si Prospero nga Sony, për shkak se ende nuk ka një emër zyrtar për konsolën.
Sipas leak-ut, si PS5 ashtu dhe Xbox Project Scarlett kanë të dyja një kamera të integruar që mund të përdoret për live streaming. Gjithashtu raportohet se kamera e Xbox ka rezolucion 4K dhe reagon sipas ndriçimit në lojë, duke ndryshuar opsionet e saj automatikisht.
Si përfundim, pritet që krijimi i një set-up-i për stream në konsolat e gjeneratës së ardhshme do të jetë mjaft i lehtë. Edhe pse shërbime si Twitch dhe Mixer janë lançuar për PS4 dhe Xbox One, ato nuk janë ende aq të fuqishme dhe aq të qarta sa programet në PC dhe ky raport i fundit tregon se konsolat e ardhshme do ta ndryshojnë këtë gjë.
Pavarësisht provave, normalisht që dhe ky leak duhet të shihet me skepticizëm dhe me shumë mundësi nuk do të zbulohet asgjë për Playstation 5 ose Scarlett së shpejti, edhe pse kjo e fundit pritet të lançohet në fund të 2020.