PS5 gjithashtu do të kushtojë më shumë sesa Xbox Series X, edhe pse do të ketë parametra më të ulët
PS5 gjithashtu do të kushtojë më shumë sesa Xbox Series X, edhe pse do të ketë parametra më të ulët
Edhe pse konsolat e gjeneratës së ardhshme pritet të vijnë në fund të këtij viti, ende nuk kemi shumë informacion rreth PlayStation 5 dhe Xbox Series X. Ndërkohë, përpara disa ditësh filluan të qarkullojnë zëra se konsola e re e Sony ka vështirësi në arritjen e 4K dhe do të kushtojë më shumë se konkurrentja e saj.
Edhe pse parametrat e konsolave janë zbuluar, mesa duket Sony po sjell në PlayStation 5 4K fallco, ndërkohë që Xbox Series X nuk e ka këtë problem dhe mund të arrijë rezolucionin 4K pa asnjë problem. Këto zëra u qarkulluan në Twitter nga llogari të ndryshme të besueshme, përfshirë këtu Jeff Grub dhe AestheticGamer, të cilët gjithashtu shtuan se kjo vinte për shkak të përdorimit të AMD SmartShift nga Sony. Jeff Grub gjithashtu tha se lojërat jo-ekskluzive mund të kenë probleme kur të lançohen në PlayStation 5.
Gjithsesi, momentalisht asgjë nuk është e konfirmuar dhe nuk dihet nëse ky është një problem që e kanë hasur vetëm disa zhvillues apo të gjithë. Gjithashtu, ky është një problem i cili mund të rregullohet për disa muaj, por do të na duhet të presim lançimin e PS5 për të parë nëse ai është zgjidhur.