Ky leak ka ardhur nga 4chan dhe jep shumë detaje
Ky leak ka ardhur nga 4chan dhe jep shumë detaje
Një leak i fundit nga 4chan rreth PlayStation 5 na ka dhënë shumë informacion rreth konsolës së ardhshme të Sony, por ende do të na duhet të presim për zbulimin zyrtar të PlayStation 5 për të parë se sa të vërteta do të jenë ato.
Leak-u jep shumë informacion në lidhje me konsolën dhe PlayStation 5 nuk duket se do të ketë performancë shumë të mirë. Clock speed të CPU dhe GPU nuk janë shumë stabël dhe lojërat në përgjithësi do të performojnë 30% më mirë në Xbox Series X. Ray-tracing ndërkohë do të performojë 40% më mirë në konsolën e Microsoft.
Së bashku me ray-tracing, CPU-në dhe GPU-në, konsola nuk do të ketë VRS Tier 2 ose Mesh Shaders. Gjithashtu, leaker-i në 4chan tha se dizajni i PlayStation 5 është i shëmtuar dhe mjaft i madh, edhe pse ne ende nuk mund të flasim pasi nuk e kemi parë konsolën.
Megjithatë, leaker-i pati edhe fjalë të mira rreth PlayStation 5. Tempest Engine për audion e PlayStation 5 mesa duket funksionon mjaft mirë. PlayStation Studios po ecin mjaft mirë me zhvillimin e lojërave, ndërkohë që vetë konsola nuk bën aspak zhurmë dhe controller-i DualSense ndihet mirë dhe ka një bateri të madhe.
Edhe pse konsola mesa duket do të kushtojë $499, pritet që ajo t’ja vlejë për këtë çmim. Lojërat që PS5 do të ketë në lançim janë një lojë e re Ratchet and Clank, dy lojëra me gara (Gran Turismo 6 dhe një lojë më futuristike) si dhe disa lojëra të tjera.
Ndërkohë, lojërat që pritet të vijnë pas lançimit të PlayStation 5 janë Silent Hill, Horizon Zero Dawn 2, Spider-Man 2, disa lojëra nga koha e PlayStation 1, Half-Life: Alyx për PlayStation VR 2, si dhe shumë lojëra nga Capcom, Konami, Koei Tecmo, Atlus, Square Enix dhe Bethesda.
Naughty Dog dhe Sony Santa Monica gjithashtu do të njoftojnë lojëra të reja, ndërkohë që më shumë lojëra për PS4 do të vijnë në PC. Këtu përfshihen Dreams, The Last Guardian, Gravity Rush, Gran Turismo dhe më shumë.
Nuk e dimë se sa i vërtetë është ky leak i 4chan, por do të na duhet të presim derisa PS5 të zbulohet zyrtarisht për të mësuar më shumë.