Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Çmimi i pjesëve të PS5 është shumë i lartë
Sony duket se po pret për Microsoft për të zbuluar çmimin e PlayStation 5 përpara lançimit të konsolës në fund të 2020, sipas disa burimeve anonime.
Sipas tyre, mungesa dhe pamjaftueshmëria e disa prej pjesëve të PS5 po rrit çmimin e konsolës dhe Sony duket se do të rrisë çmimin edhe për blerësit. Burimet thonë se prodhimi i PS5 kushton rreth $450 dhe disa prej drejtuesëve të kompanisë janë të shqetësuar se është shumë i lartë.
Duhet thënë se drejtorët e Sony janë të ndarë, me disa që duan ta shesin konsolën për të fituar, sado të pakta të jenë fitimet, ndërkohë që të tjerët duan që konsola të shitet me humbje dhe paratë të fitohen duke shitur abonime për PlayStation Plus. Kjo nuk është diçka që ndodh rrallë dhe vetë Phil Spencer, drejtori i Xbox, ka thënë se fitimet e vërteta vijnë nga sjellja e përdoruesëve në ekosistem, jo nga shitja e konsolave. Sony e solli PS4 me një çmim prej $399, ndërkohë që prodhimi kushtonte $381, pra kompania pati shumë pak fitime nga vetë konsolat PS4.
Tani për tani, duket se kompania po pret që Microsoft të zbulojë çmimin e Xbox Series X së shpejti dhe më pas të zbulojnë çmimin e PS5 bazuar në atë informacion. PS4 kushtonte plot $100 më pak se Xbox One në 2013, gjë që e ndihmoi shumë konsolën të dominonte këtë gjeneratë. Ky është një dominancë që ata kurrë nuk e humbëm, por tashmë që Xbox Game Pass ofron lojëra shumë më të mira se PS Now, pritet të shohim se sa Xbox do të interesohet për çmimn e konsolës nëse gjenerata e ardhshme do të varet nga ekosistemet, sidomos nëse zërat se do të kemi një konsolë më të lirë së bashku me Xbox Series X janë të vërteta.
Përveç çmimit, këto zëra gjithashtu konfirmojnë se do të kemi një headset të ri PSVR, i cili pritet të vijë pas PlayStation 5.
