PlayStation 5 është konfirmuar! Çdo detaj që duhet të dini rreth tij.

E gjitha duket shumë e mirë për të qenë e vërtetë.

Si papritur, Sony në bashkëpunim me Wired zbuluan detajet kryesore të PlayStation-it të rradhës. Specifikisht arkitekti i PS4 do të jetë sërish në krye të detyrës për PS5. Mark Cerny bëri një intervistë të tërë ku shpjegonte të gjitha specifikat teknike dhe se çfarë duhet të presim nga ky i fundit.

Cerny fillimisht sqaroi se ky nuk do të ishte një upgrade i vogël që thjesht do të përmirësonte eksperiencën tonë në gaming. Përkundrazi, u shpreh se ndryshimet do të ishin radikale dhe se do të ndryshonin të gjithë mënyrën se si ne luajmë.

Sony sqaroi se konsola nuk do të vijë në 2019n. Gjithsesi një numër i madh studiosh janë tashmë në punë e sipër me lojërat për PlayStation 5. Kompania tashmë i ka gati disa devkits dhe së shpejti shumë më shumë studio do e kenë konsolën në duar që të zhvillojnë lojërat.

Për ti bërë gjërat edhe më mirë, mësuam edhe të dhënat e para teknike mbi konsolën. Sistemi do të ketë një procesor AMD Ryzen të gjeneratës së tretë me tetë core nga 7nm Zen 2 Michroarchitecture.

GPU do të jetë një implemenim i bazuar në familjen e Radeon Navi. Play Station 5 do të mbështesë edhe Ray-Tracing. Ky është një tipar i konsideruar si më i miri në fushën grafike dhe teknike, pasi lejon sisteme ndriçimi komplekse në mjedise 3D komplekse. Kjo është deri tani konsola e parë që mbështet Ray-Tracing. Deri në këtë pikë e kishim parë vetëm në filma Hollywood-i ose karta grafike miliona euroshe.

Cerny sqaroi se Ray Tracing mund të përdoret përtej grafikave dhe audios, për një 3D rendering më të mirë. Në fakt Sony ka përfshirë një 3D audio chip që do ti japë shumë avantazhe sektorit të audios. Me këtë chip të ri, PS5 do të ofrojë një eksperiencë fantastike edhe nëse nuk keni bokse specifike dhe thjesht mbështeteni në TV ose kufjet tuaja.

Përtej ndryshimeve të mëdha në CPU, GPU dhe audio, konsola do të sjellë edhe një tipar tjetër që do ndryshojë të gjithë lojën. PS5 do të jetë i pajisur me një SSD, që do të jetë më e shpejtë se çfarëdolloj disku ekuivalent i disponueshëm për kompjutera. Është ende e paqartë nëse konsola do të mbështesë standartin e ri PCIe 4.0, por Cerny tha se kompania ka pregatitur mekanizma të veçantë I / O për ta arritur këtë rezultat. Gjatë testimeve të bëra loading screen-i i Spider-man ishte vetëm 0.8 sekonda, në dallim me 15 sekonda në PS4.

Të mirat nuk mbarojnë me kaq. PlayStation 5 gjithashtu do të mbështesë 8K në të ardhmen dhe gjithashtu do të ketë backwards compatibility me lojërat e PlayStation 4. Konsola do të vazhdojë me traditën e disqeve Blu-Ray dhe nuk do të jetë vetëm dixhital.

Kur u pyet rreth çmimit, Cerny ishte fjalëpak, por tha se PSVR do të punojë me PS5.

“Nuk do i futem detajeve të strategjisë sonë mbi VR, por do të them se VR është shumë i rëndësishëm për ne dhe se headseti i tanishëm i PSVR do të përshtatet me konsolën e re.” Është shprehur ai.

E gjitha realisht tingëllon shumë e mirë për të qenë e vërtetë. Gjithsesi në këtë pikë jemi vërtet të lumtur që kemi marrë disa detaje më konkrete mbi konsolën e gjeneratës së ardhshme. Janë pikërisht këto të fundit në fakt që konfirmojnë se ajo është më afër se ç’duket.