Sony ka liçensuar një patentë për PlayStation 5 që ndalon hilet
Sony ka liçensuar një patentë për PlayStation 5 që ndalon hilet
Të bësh me hile në multiplayer është thuajse e pamundur në PlayStation 4, por me PlayStation 5, Sony ka vendosur të rrisë edhe më shumë masat e sigurisë. Dihet që njerëzit do të përpiqen të bëjnë hack konsolën e gjeneratës së ardhshme kur ajo të lançohet, prandaj Sony ka patentuar një sistem i cili i gjen ata që ndërhyjnë dhe i heq direkt nga rrjeti online.
Patenta (US8622837B2) përshkruan një sistem ku Sony mund të përdorë matës të ndryshëm që vëzhgohen gjatë gjithë kohës. Këto matje mund të jenë për PlayStation 5 dhe lojërat online të konsolës. Kur vihen re mospërputhje midis matjeve dhe të dhënave të lojës, përdoruesi do të hiqet nga ky sistem menjëherë, duke e mbajtur të sigurt komunitetin online të PlayStation 5.
Figura e mëposhtme tregon më qartë se si çdo konsolë PlayStation 5 do të monitorohet në një endless loop. Kur sistemi i patentuar gjen aktivitet jo të zakontë, rrjeti i kërkon përdoruesit të PlayStation 5 të marrë të dhëna. Duke vlerësuar nëse informacioni nuk përputhet me matjet, sistemi do të vendosë nëse përdoruesi do të vazhdojë të qëndrojë në rrjet ose jo. Patenta thotë që konsola mund të dalë tërësisht jashtë përdorimi si formë ndëshkimi.
Në rast të multiplayer-it online, zhvilluesit mund të vendosin disa rregulla që ky sistem të ndjekë. Në raste të tilla, kur një përdorues i PlayStation 5 të futet në një lobby multiplayer, të dhënat e tyre do të monitorohen për ndryshime. Kur të tilla ndryshime të gjenden, ata do të hiqen menjëherë.
Të tilla masa sigurie përputhen shumë mirë me deklaratat e Sony se PlayStation 5 do të ndryshojë në mënyrë radikale mënyrën se si lojërat e gjeneratës së ardhshme do të luhen. Në një tjetër patentë, Sony përshkruan një mënyrë se si software do të ndahen në pjesë të ndryshme, duke i dhënë përdoruesëve mundësi jo vetëm që të shkarkojnë por edhe të lujanë një pjesë të caktuar të këtij software.
Kjo metodë mund t’i lejojë lojtarët të luajnë single-player, ndërkohë që multiplayer po shkarkohet.