Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Konsola do të ketë një çmim shumë të mirë për performancën që ofron
Një raport i ri tregon se Playstation 5 do të ketë më shumë fuqi se një GPU NVIDIA RTX 2070 Super, falë numrit të teraFLOPS që është 9.2. Një prej njerëzve të brendshëm më të besuar të industrisë së gaming, Komachi, zbuloi këtë gjë dhe më shumë.
Data e lançimit të Playstation 5 do të jetë në 2020. Kjo do të thotë qartë se testimet dhe puna po vazhdojnë tek partnerët e Sony-t, AMD, për të pasur një ide më të qartë se çfarë do të ndodhë me konsolën pasi të zbulohen detajet e para mbi arkitekturën e saj.
Bazuar tek ky raport, kemi mësuar se AMD mund të jetë duke testuar APU-në Oberon A0 në tre konfigurime të ndryshme, të quajtur gens (gjenerata). Gen2, e cila duhet të jetë e fundit dhe ajo e cila pritet të jetë brenda Playstation 5 vitin e ardhshëm, do të ketë një core speed prej 2.0 GHz.
Ne dimë tashmë se Playstation 5 do të bazohet në mikroarkitekturën më të re RDNA, një evolucion në krahasim me mikroarkitekturën GCN që gjendet brenda PS4 dhe PS4 Pro. Siç është përllogaritur nga një përdorues në Twitter, arkitektura RDNA do të lejojë kartën grafike të PS5 të arrijë 9.2 teraFLOPS në RDNA, gjë e cila do të jetë ekuivalente me 14 teraFLOPS në GCN.
Tani, për të bërë disa krahasime, PS4 Pro ka 4.2 teraFLOPS dhe Xbox One X ka 6 teraFLOPS, gjë që e bën atë konsolën më të fortë në treg. Në PC, NVIDIA RTX 2070 arrin 7.5 teraFLOPS, RTX 2070 Super rreth 9 teraFLOPS dhe RTX 2080 rreth 10.1 teraFLOPS.
Pra, siç mund të duket dhe nga shifrat, performanca e PS5 do të jetë diku midis RTX 2070 Super që kushton $500 dhe RTX 2080 që kushton rreth $800. Duke patur parasysh se këto karta janë dy prej GPU-ve më të forta në treg për gaming dhe se konsola pritet të kushtojë rreth $500 dollarë, duket se ky është një kompromis mjaft i mirë.
Për ta përmbledhur shkurt, qartë dhe pastër: Playstation 5 do të jetë një konsolë shumë e fuqishme.
