PlayerUnknown mund të jetë një personazh në historinë e PUBG

Kush është PlayerUnknown?

PlayerUnknown’s Battlegrounds tashmë ka një histori. Të paktën trailer-i kinematik që u postua përpara një javë këtë indikonte. Sado që ka shumë pyetje që mund të ngrihen për historinë e kësaj loje, është një pyetje e caktuar që të gjithë meritojmë t’ja dimë përgjigjen. Kush është PlayerUnknown? Sigurisht që është kreu i PUBG Brendan Green, por sipas trailer-it sugjerohej se emri do i referohej edhe një personazhi brenda lojës.

Kur u pyet rreth kësaj çështjeje, drejtori i studios, Brian Corrigan u shpreh: “Në mënyrën se si e shoh kemi një lojë, kemi qindra lojtarë që thjesht hidhen në këto vende dhe ne nuk i kemi thënë askujt se kush janë ata, çfarë po bëjnë, kush është PlayerUnknown dhe kush është tipi i çuditshëm me mjekër të bardhë në fund të trailerit.”

Kur u pyet nëse tipi me mjekërr të bardhë ishte PlayerUnknown, Corrigan tha: “Ende nuk duam të flasim për këtë pjesë. Ka më shumë gjëra që duhen thënë për historinë fillimisht. Kur ne ngritëm pyetjen ‘kush është PlayerUnknown?’ e kishim në terma më të përgjithshëm me historinë. Por në të njejtën kohë as nuk po themi se PlayerUnknown nuk është personazh i lojës. Doja që ta sqaroja këtë gjë.”

Çfarë është e qartë pas kësaj interviste është që do të na duhet të presim më shumë detaje mbi historinë e PlayerUnknown.

E vendosur në Erangelin e vitit 1965,traileri ilustron pushtimin e ishullit nga perspektiva e një djali të ri. Duke u fshehur, ai fëmijë është i vetmi person që i mbijeton sulmit, duke u bërë zyrtarisht “i mbijetuari i parë i Erangel.” Nga ajo pikë e tutje, ai jo vetëm që mbijeton, por merr përsipër ri mësojë të tjerëve mbi potencialin e vërtetë të tyre.

Një monolog pak psikopatik vazhdon pastaj, i cili të lë të kuptosh fëmija ka instaluar kamera sigurie në të gjithë perimetrin e ishullit, për të dokumentuar aktivitetin e 100 vrasësve që ai ka rekrutuar për të luftuar në të.

Gjithsesi është interesante pjesa në fund të trailerit, kur narratori thotë: “Welcome to my battlegrounds.” Kush Battlegroud është tjetër përveçse atij të PlayerUnknown?