Battle royale-t janë kudo, duke nisur nga Battlefield 5 tek Call of Duty: Black Ops 4, të cilën mund t’a luani falas. Madje edhe Tetris është infektuar, me Tetris 99 që ofron të njëjtin stil loje në universin e Tetris. Ndërsa zhanri po mbushet me një larmi titujsh, personi që e popullarizoi zhanrin në botën e videolojërave, Brendan “PlayerUnknown” Greene, po kërkon diçka të re.
Greene lajmëroi para pak kohësh se “fokusi i tij të ri do të jetë drejt një divizoni tjtetër të PUBG Corp.; PUBG Special Projects“. Greene ka shërbyer si drejtor dhe dizenjues i PUBG, e ndërsa ai do të vazhdojë të jetë “një këshillltar dhe drejtor kreativ i PUBG“, ai do të lërë projektin për t’u përqëndruar në iniciativa të reja të kompanisë. Ai gjithashtu do të largohet nga zyrat e kompanisë në Seoul, që do të vazhdojnë punën për PUBG, e do të zhvendoset në zyrat në Amsterdam ku do të përqëndrohet në “ndërtimin e një divizoni tërësisht të ri të fokusuar në kërkim dhe zhvillim lojërash“.
Në një intervistë, Greene gjithashtu tha se ka hequr dorë nga zhanri battle royale. “Koncepti i atij që mbijeton në fund është i bukur, por unë e kam bërë këtë gjë. Nuk kam ndërmend të krijoj PUBG 2. E kam bërë një battle royale, është koha të provoj diçka të re“. Greene gjithashtu nuk ka shumë interes për lojtarët që vrasin njëri tjetrin. “Mendoj se ju kam treguar të tjerve plot mënyra të mira për të vrarë njëri-tjetrin, por dua të eksploroj gjëra të reja“.
Me çfarë ekzaktësisht po merret Greene tani? Duket se CEO i PUBG Corp., Chang Han Kim i është afruar Greene e kanë diskutuar për t’i kthyer idetë në kokën e tij në diçka që mund të luhet. Kim po e lejon Greene të krijojë një ekip të ri për të krijuar gjëra të reja. Duket se qëllimi i Special Projects është eksperimentimi. Nuk ka asnjë detaj tjetër sepse sipas Greene “as nuk i ka“. Megjithatë, ai do të vazhdojë të “eksplorojë shërbime online dhe të gjejë mënyra për t’i lidhur njerëzit që nuk janë provuar më parë“.
Greene konsiderohet si babai i zhanrit battle royale. Me PUBG dhe H1Z1, Greene ka provuar se është e mundur të arrish suksesin 2 herë rradhazi. Megjithatë, sipas tij, nuk ka presion për të vazhduar këtë sukses me Special Projects. “Këtu nuk ka një afat përfundimtar, kemi kohë disa vite për të punuar. Në kohët e sotme, jemi me fat të kemi kaq kohë në industrinë e videolojërave. Kemi kohë të eksplorojmë dhe të jemi kuriozë“.