Veçoria më e fundit që ka ardhur në Steam do ju ndihmojë që të gjeni përgjigjen e pyetjes një milionë dollarëshe: Çfarë duhet të luaj? Play Next erdhi në Steam Labs në muajin shkurt, por tani ka evoluar nga një veçori eksperimentale në diçka që çdo lojtar mund ta provojë.
PlayNext, si shumica e veçorive të ngjashme që merren me rekomandime, analizon koleksionin tuaj të lojërave, që të mund të bëjë sugjerime në bazë të gjërave që ju pëlqejnë ju. Praktikisht secili ka rekomandime të personalizuara. Kjo është perfekte për ata që kanë shumë lojëra në Steam dhe që nuk dinë se nga t’ja fillojnë.
Veçorinë mund ta gjeni në librarinë tuaj që tani, por nëse preferoni që Steam të mos ndërhyjë në rekomandimet tuaja, mund ti bëni disable PlayNext dhe të vazhdoni punën si normalisht.